ეკონომიკა

თბილისში ჰიდროენერგეტიკის საერთაშორისო კონგრესი გაიმართება

10.02.17 15:55


საერთაშორისო კონგრესი და გამოფენა „ჰიდროენერგეტიკა. კასპიის რეგიონი და ცენტრალური აზია“ თბილისში 15-16 თებერვალს გაიმართება, განუცხადეს „Sputnik საქართველოს“ კომპანია Vostock Capital-ში.

„საერთაშორისო კონგრესი — ეს პროფესიონალური მოედანია დიალოგისთვის, გამოცდილების გაზიარებისთვის, გადაწყვეტილებების ძიებისთვის და ხელისუფლებისა და ბიზნესის წარმომადგენელთა ძალისხმევის კონსოლიდაციისთვის რეგიონში ჰიდროელექტროსადგურების განახლებისა და მშენებლობის მთელი რიგი პროექტების ეფექტური რეალიზებისთვის“, — განაცხადეს კონგრესის ორგანიზატორ-კომპანიაში.

ღონისძიების ფარგლებში წარმოდგენილი იქნება 40-მდე პროექტი ახალი მშენებლობისა და რემონტის როგორც მსხვილ, ისე საშუალო და მცირე ჰესების თურქეთში, სომხეთში, საქართველოში, აზერბაიჯანში, ირანში, რუსეთში, ტაჯიკეთსა და ყირგიზეთში. პროექტების ინიციატორებს შესაძლებლობა ექნებათ საერთაშორისო ორგანიზაციებთან თანამშრომლობის.

კონგრესის ფარგლებში გაიმართება მრგვალი მაგიდის ფორმატში შეხვედრები, სადაც მონაწილეები პროექტების დაფინანსებასთან, ეკოლოგიურ უსაფრთხოებასა და ტექნოლოგიურ ინოვაციებთან დაკავშირებულ საკითხებზე იმსჯელებენ. მომხსენებელთა და საპატიო სტუმართა შორის არიან — საქართველოსი ენერგეტიკის მინისტრის მოადგილე ილია ელოშვილი, ტაჯიკეთის რესპუბლიკის წყლის რესურსებისა და ენერგეტიკის მინისტრი უსმონალი უსმონზოდა, სომხეთის ენერგეტიკის მინისტრის მოადგილე აიკ არუთინიანი, საქართველოს, ყაზახეთის, ყირგიზეთისა და რუსეთის ენერგოკომპანიების წარმომადგენლები. საქართველოს, სომხეთის, ირანის, ყირგიზეთისა და ტაჯიკეთის სამინისტროები ახალი ჰიდროელექტროსადგურების მშენებლობისა და მოდერნიზაციისათვის საინვესტიციო პროექტებს წარმოადგენენ.

კონგრესის ფარგლებში 50 მოხსენებას დასკვნითი ინფორმაციით წარმოადგენენ „აზენერჯის“, Adjaristsqali Georgia-ს, ეროვნული ენერგეტიკული ჰოლდინგური კომპანიის (ყირგიზეთი), „რუსჰიდროს“, ყაზახეთის AES-ის, Iran Water and Power Resources Development Company-ის, „ნორდ ჰიდროს“ კომანიების ხელმძღვანელები.

გარდა ამისა, 10-ზე მეტ ტექნოლოგიურ პრეზენტაციას ინდუსტრიის ლიდერები — GE Renewable Energy, ANDRITZ HYDRO, Stucky, Voith Hydro, Siemens, Carpi Tech, ИГХолдинг Рус და სხვები წარმოადგენენ. კონგრესში მონაწილეობას მიიღებენ საერთაშორისო საფინანსო კორპორაციის, ევრაზიული განვითარების ბანკის, ევროპის რეკონსტრუქციისა და განვითარების ფონდის, UNDP-ის, KfW-ის დელეგაციები. კონგრესის ფარგლებში ენერგეტიკის მინისტრები საერთაშორისო თანამშრომლობისა და ცენტრალურ აზიასა და კასპიის რეგიონში საინვესტიციო პროექტების ეფექტური რეალიზების საკითხებზე შეხვედრებს გამართავენ.



წყარო : Sputnik საქართველო /www.sputnik-georgia.com/

წაკითხულია : 127


დატოვეთ კომენტარები

(გთხოვთ, კომენტარებში თავი შეიკავოთ რელიგიური, რასობრივი და ნაციონალური დისკრიმინაციის გამოხატვისაგან, ნუ გამოიყენებთ სალანძღავ და დამამცირებელ გამოთქმებს, ასევე კანონსაწინააღმდეგო მოწოდებებს.)

გამოაქვეყნეთ
დასაშვებია 512 სიმბოლოს შეყვანა

ახალი ამბები