პოლიტიკა
27.06.24 16:34
აზერბაიჯანის რესპუბლიკა ჩვენთვის არამხოლოდ კარგი მეგობარი, არამედ სანდო სტრატეგიული პარტნიორია. საგარეო საქმეთა მინისტრის საქართველოში ვიზიტი ძალიან მნიშვნელოვანი და დროულია, - ამის შესახებ საქართველოს საგარეო საქმეთა მინისტრმა, ილია დარჩიაშვილმა, აზერბაიჯანის საგარეო უწყების ხელმძღვანელთან, ჯეიჰუნ ბაირამოვთან შეხვედრის შემდეგ გამართულ ერთობლივ ბრიფინგზე განაცხადა.
როგორც ილია დარჩიაშვილმა აღნიშნა, ორი ქვეყნის საგარეო საქმეთა მინისტრების შეხვედრაზე საუბარი შეეხო ურთიერთობების ორმხრივ დღის წესრიგს, ასევე რეგიონსა და მსოფლიოში მიმდინარე პროცესებს.
როგორც მინისტრმა განაცხადა, საქართველოსა და აზერბაიჯანს შორის არსებული სტრატეგიული პარტნიორობა გამორჩეულ ხასიათს ატარებს და ეტაპობრივად ახალ დადებით განზომილებებს იძენს, „რაც მნიშვნელოვანია ჩვენი ქვეყნების და მთლიანად რეგიონის კეთილდღეობისათვის“.
როგორც დარჩიაშვილმა აღნიშნა, შეხვედრაზე მიმოიხილეს ეკონომიკური თანამშრომლობის საკითხები. მისი თქმით, აღსანიშნავია, რომ აზერბაიჯანი ბოლო წლების მანძილზე საქართველოს მთავარი სავაჭრო პარტნიორების ხუთეულშია.
საგარეო უწყების ხელმძღვანელის ინფორმაციით, შეხვედრაზე აზერბაიჯანულ მხარეს მიეწოდა ინფორმაცია საქართველოს ოკუპირებულ ტერიტორიებზე არსებულ, მძიმე სოციალურ, ეკონომიკურ და ჰუმანიტარულ ვითარებასთან დაკავშირებით, ასევე, ყურადღება გამახვილდა უსაფრთხოების კუთხით საერთაშორისო მექანიზმების გაძლიერების აუცილებლობაზე.
მინისტრმა მადლობა გადაუხადა აზერბაიჯანულ მხარეს საქართველოს სუვერენიტეტის და ტერიტორიული მთლიანობის მტკიცე მხარდაჭერისთვის.
რეგიონში მიმდინარე პროცესებზე საუბრისას აღინიშნა სამხრეთ კავკასიის რეგიონში ხანგრძლივვადიანი და მდგრადი მშვიდობის უზრუნველყოფის მნიშვნელობა.
„არაერთხელ დაგვიმტკიცებია, და კვლავ მსურს აღვნიშნო, რომ საქართველო მუდამ იყო სამხრეთ კავკასიაში მშვიდობიანი თანამშრომლობისა და თანაცხოვრების მომხრე. ჩვენ ყოველთვის მზად ვართ ხელი შევუწყოთ მხარეებს შორის კონსტრუქციულ კომუნიკაციას და კონკრეტული ნაბიჯები გადავდგათ ურთიერთსასარგებლო თანამშრომლობის კუთხით“, - აღნიშნა მინისტრმა.
მინისტრის ინფორმაციით, რეგიონის ჭრილში, განხილული იქნა საქართველოს, აზერბაიჯანსა და თურქეთს შორის არსებული სამმხრივი თანამშრომლობის ფორმატი. ამასთან, ყურადღება გამახვილდა ერთობლივი რეგიონული სატრანსპორტო და ენერგეტიკული პროექტების მნიშვნელობაზე და სამომავლო პერსპექტივებზე.
მინისტრის განცხადებით, აქცენტი გაკეთდა „შუა დერეფნის“ მნიშვნელობასა და საქართველოსა და აზერბაიჯანის ჩართულობაზე აღნიშნულ პროექტში, ასევე აღინიშნა საქართველოს ინიცირებული ელექტროენერგიის გადამცემი წყალქვეშა კაბელის პროექტის, ბაქო-თბილისი-ჯეიჰანის ნავთობსადენის, ბაქო-თბილისი-ერზერუმის გაზსადენის, ბაქო-თბილისი-ყარსის რკინიგზის, ბუნებრივი აირის სამხრეთ დერეფნის პროექტების მნიშვნელობა ჩვენი რეგიონის დაკავშირებადობის და „შუა დერეფნის“ ფუნქციის გაზრდის საქმეში.
„ჩვენ, ერთიანი ძალისხმევით წამოვიწყეთ და წარმატებით ვახორციელებთ არაერთ სტრატეგიული მნიშვნელობის პროექტს, რომლებმაც თვისობრივად გაზარდეს ჩვენი რეგიონის როლი და ფუნქცია. დარწმუნებული ვარ, რომ მომავალში ჩვენი რეგიონის მიმზიდველობა და ფუნქცია კიდევ უფრო გაიზრდება და ხელს შეუწყობს დასავლეთისა და აღმოსავლეთის დაკავშირებადობის ზრდას“, - განაცხადა ილია დარჩიაშვილმა.
მინისტრმა იმედი გამოთქვა, რომ ორ ქვეყანას შორის არსებული თანამშრომლობა ქართველი და აზერბაიჯანელი ერების საკეთილდღეოდ კიდევ უფრო გაძლიერდება. შეხვედრაზე ასევე გამოიხატა მზაობა რეგულარული შეხვედრების გაგრძელების, მაღალი დონის ვიზიტების გაცვლის დინამიკის შენარჩუნების და ორი ქვეყნის დარგობრივ უწყებებს შორის მჭიდრო თანამშრომლობის ხელშეწყობის მიმართულებით.
27 ივნისს, აზერბაიჯანის რესპუბლიკის საგარეო საქმეთა მინისტრი, ჯეიჰუნ ბაირამოვი ოფიციალური ვიზიტით საქართველოს ეწვია.
ვიზიტის ფარგლებში, დაგეგმილია აზერბაიჯანის საგარეო საქმეთა მინისტრის შეხვედრები საქართველოს პრემიერ-მინისტრთან, ირაკლი კობახიძესთან, საქართველოს პარლამენტის თავმჯდომარესთან, შალვა პაპუაშვილთან.
ipn.ge
წაკითხულია : 190
დატოვეთ კომენტარები
ახალი ამბები
-
ბექა ოდიშარია: დიასპორა არის ჩვენი დიდი ეკონომიკური, ინტელექტუალური და დემოგრაფიული პოტენციალი
18:0328.06.24
-
17:4028.06.24
-
ირაკლი კობახიძე - ვაზიანში აშენდება თბილისის ახალი საერთაშორისო აეროპორტი
17:1728.06.24
-
16:5528.06.24
-
16:2328.06.24
-
მოქალაქეები ერთ მილიონ ლარამდე აღებულ სესხზე უარის თქმას შეძლებენ - ეროვნული ბანკი
16:0028.06.24
-
ირანში საპრეზიდენტო არჩევნები მიმდინარეობს
15:3328.06.24
-
რატი იონათამიშვილი - ევროპის საბჭოს რეზოლუცია სავსეა დეზინფორმაციული ჩანაწერებით
15:0328.06.24
-
ირაკლი კობახიძე - საქართველოს რკინიგზის მოდერნიზაციის პროექტი წარმატებით ხორციელდება
14:3828.06.24
-
ირაკლი კობახიძე - მადლობა მინდა გადავუხადო ჩვენი ნაკრების მწვრთნელს
14:0628.06.24
-
13:3628.06.24
-
13:1028.06.24
-
პარლამენტის საგაზაფხულო სესია დღეს დაიხურება
12:4228.06.24
-
„საქსტატის“ წინასწარი შეფასებით, მაისში საქართველოს ეკონომიკა 9.2%-ით გაიზარდა
12:1628.06.24
-
11:5128.06.24
-
მოტოციკლებისა და მოპედების მოძრაობა შესაძლოა საავტობუსო ზოლებში დაიშვას
11:2228.06.24
-
1-ელი ივლისიდან ელექტროენერგიის ბირჟა ეტაპობრივად გაიხსნება
11:0028.06.24
-
10:0928.06.24
-
17:0627.06.24
-
16:3427.06.24
-
16:0127.06.24
-
15:2927.06.24
-
ევროპის საბჭოს საპარლამენტო ასამბლეამ საქართველოს შესახებ რეზოლუცია მიიღო
14:5727.06.24
-
14:1427.06.24
-
13:4027.06.24
-
13:0527.06.24
-
შალვა პაპუაშვილი - დიდი მადლობა ჩვენს ბიჭებს
12:3827.06.24
-
12:0327.06.24
-
ეროვნულ გუნდს დაწესებული ჯილდო, 30 მილიონი ლარი გადაეცემა
11:3027.06.24
-
11:0027.06.24
-
10:0727.06.24
-
საფრანგეთი მესამე მსოფლიო ომის გამჩაღებელია...
18:0526.06.24
-
18:0026.06.24
-
სალომე ზურაბიშვილი მარკ რუტეს - ვიმედოვნებთ, რომ თქვენი ხელმძღვანელობა იქნება წარმატებული
17:4126.06.24
-
დავით ნარმანიამ საერთაშორისო კონფერენციაზე ენერგეტიკული უსაფრთხოების საკითხებზე ისაუბრა
17:0926.06.24
-
16:4826.06.24